Salam
Mən
Günarə Əzimova

Mən Günarə. 23 yaşım var. Bərdə rayonunda dünyaya göz açmışam. Əsl rayon uşağıyam! Universitetə girənə kimi tək xəyalım Azərbaycandan getmək idi (hələ də burdadı).

Bir müddətdir ki, sosial media ilə maraqlanıram və sosial media mütəxəssisi olaraq işləyirəm.

Bakı Slavyan Universitetində filologiya (ingilis dili və ədəbiyyatı) ixtisası üzrə təhsil almışam. İngilis dilində oxumağım atamın istəyi olub. İxtisasımı sevmədiyim üçün kəsirsiz universitet oxumaq çətin idi. İmtahanları keçmək üçün yaxşı yazı qabiliyyətim olmalı idi. O dönəmdən yazmağa başladım. Yazmaq və araşdırma bacarığım universitetin mənə qazandırdığı ən gözəl fürsət idi.

Universitet illərində və bitirdikdən sonra müxtəlif işlərdə işlədim, amma özümü tanıyandan bu sahəyə marağım olub. Sonra etdiyim dəli bir qərarla əvvəlki işimi atdım və SMM olmaq üçün bir yola çıxdım. 2 ay işsiz, pulsuz qalıb bu günlərə gəlmişəm. 2 ay ərzində 200+ yerə cv göndərsəm də, təcrübəm olmadığı üçün işə qəbul etmirdilər. Amma sonunda mən bacardım!

Bundan sonrakı məqsədim rəqəmsal marketinq biliklərimi artırıb və xaricdə təhsil haqqı qazanıb ölkə xaricində freelance olaraq bu işlə məşğul olmaqdır.

Hər kəsə uğurlar!